“YENİ ÜFÜQ” layihəsinin açılışı keçirildi

Hilton Bakıda “YENİ ÜFÜQ” layihəsinin açılış tədbiri baş tutub. SOCAR Midstream Gas Operations və Cənubi Qafqaz Boru Kəmərinin tərəfdaşları tərəfindən dəstəklənən layihə valideyn himayəsindən məhrum olmuş gənclərin iş həyatına hazırlanmasına yönəlib.

Panel və dəyirmi masa görüşlərində inklüziv məşğulluq, sosial reinteqrasiya və dövlət qurumları ilə özəl sektor arasında əməkdaşlıq müzakirə edilib. İştirakçılar gənclərin əmək bazarına qoşulması və uzunmüddətli sosial nəticələr üçün tərəfdaşlıq imkanlarına diqqət ayırıblar.